കിഷിനു പോയി വന്ന അന്നു രാത്രി അവള്‍ എനിക്ക് വിളിച്ചു।അവള്‍ വിളിക്കുന്ന സമയം നാട്ടില്‍
പാതിരാകോഴി കൂവുന്ന നേരം।നല്ല ഉറക്കത്തിലായിരുന്ന ഞാന്‍ അവള്‍ വിളിച്ചത് അറിഞ്ഞതുമില്ല।രാവിലെ ഒരു ഫ്രൈഡെ ആയതു കൊണ്ട് ഉറങ്ങി തീര്‍ക്കുക എല്ലാം ആഴച്ചത്തെയും പോലെ അന്നും ഒരു കര്‍ത്തവ്യമായി എടുത്തു।ഉണര്‍ന്ന് വന്നത് പന്ത്രണ്ട് മണിക്ക്।
വിശപ്പ് തലേ കയറാന്‍ തുടങ്ങിയപ്പോള്‍ പല്ലൊക്കെ തേച്ചെന്നു വരുത്തി നേരെ തലശേരിയിലേക്ക്
വിട്ടു।അവിടെ ചെല്ലുമ്പോള്‍ കട അടക്കാനുള്ള പുറപ്പാടാണ്।വേഗം ഒരു ബിരിയാണി പാഴ്സല്‍ വാങ്ങി
റൂമില്‍ എത്തുമ്പോള്‍ വെറുതെ ഒന്നു മൊബൈലില്‍ നോക്കിയത് ।രണ്ടെണ്ണം വീട്ടില്‍ നിന്നാണ് ഒന്ന് ഒരു കൂട്ടുക്കാരന്‍।രാവിലെ അവനോട് ബര്‍ദുബായ് അമ്പലത്തില്‍ പോകാമെന്നു പറഞ്ഞതാണ് പാവം കാത്തു നിന്നു മടുത്തിട്ട് തിരികെ പോയിട്ടുണ്ടാകും। പിന്നീടാണ് അവളുടെ നമ്പര്‍ ശ്രദ്ധിച്ചത്।പെട്ടെന്ന് വിശപ്പൊക്കെ എങ്ങോ പോയി ഞാനവളെ വിളിച്ചു।
അങ്ങെ തലയ്യക്കല്‍ കുറെ ബെല്ലടിച്ചതല്ലാതെ ആരും എടുത്തില്ല।പഴയ അവളുടെ റിംഗ് ടൂണ്‍ പോലും മാറി പോയിരിക്കുന്നു।അപ്പോ കേട്ടത് മുറ്റത്തെ മുല്ലെ ചൊല്ലു കാലത്തെ നിന്നെ കാണാന്‍
എന്ന ഗാനമാണ്(ഈ ഗാനം എവിടെ കേട്ടാലും ഞാനവളെ ഓര്‍ക്കാറുണ്ട്)
ഞാന്‍ രണ്ടു മൂന്നു വട്ടം ബെല്ലടിപ്പിച്ചിട്ടും അവള്‍ ഫോണ്‍ എടുക്കുകയോ തിരിച്ചു വിളിക്കുകയോ ചെയ്തില്ല।എനിക്ക് വലിയ സങ്കടം തോന്നി।ഞാന്‍ ഭക്ഷണം പോലും കഴിക്കാതെ വന്നു കിടന്നു।
ഞാന്‍ ഒരു ഭാഗ്യമില്ലാത്തവനാണ്। അന്നു ദേവി ഇപ്പോ ഷീനാ।മനസ് അസ്വസ്ഥയോടെ വീര്‍പ്പുമുട്ടി
റൂമില്‍ ഇഷടതാരത്തിന്റെ തൂവാന തുമ്പികള്‍ ടിവിയില്‍ ഓടുന്നു।എനിക്ക് കാണാന്‍ പോലും തോന്നിയില്ല।
“പിള്ളക്കിന്ന് എന്തു പറ്റി?”
കൂട്ടുക്കാര്‍ ചോദിച്ചു।
“ഈയിടെ ഇവനെന്തൊ പ്രശനമുണ്ട്।“
“ഹേയ് ഒന്നു പോടാ എനിക്ക് നല്ല ക്ഷീണം ഞാനൊന്നുറങ്ങട്ടെ “
പെട്ടെന്നു ഞാന്‍ മുഖം തിരിച്ചു കിടന്നു।
ആ കിടപ്പ് പല ചിന്തക്കളിലേക്കും മനസിനെ കൂട്ടികൊണ്ടു പോയി।
അവള്‍ എന്തു കൊണ്ടാകും വിളിക്കാതെയിരുന്നത് എത്ര അലോചിച്ചിട്ടും ഒരു ഉത്തരം കിട്ടിയില്ല।
അങ്ങനെ ആ ചിന്തക്കളൊടെ ഒന്നു മയങ്ങി।
നാലുമണിക്ക് ഞാന്‍ പുറത്തിറങ്ങി।വേറെ ഒരു സുഹൃത്തിന്റെ മൊബൈലില്‍ നിന്നും ഒന്നു വിളിച്ചു।
ഇത്തവണ അവള്‍ എടുത്തു।
ഹലോ“
“ഞാനാടി നീയെന്താ ഫോണ്‍ എടുക്കാത്തത്”
എടാ ഞാന്‍ പള്ളിലാണ് എന്റെ കൂടെ എന്റെ കസിനൊക്കെയുണ്ട്।നീ ഫോണ്‍ കട്ട് ചെയ്।ഞാന്‍ നിന്നെ പിന്നെ വിളിക്കാം”
അവള്‍ പറഞ്ഞു।
ഇങ്ങനെയാണെല്‍ നീയെന്നെ വിളിക്കണ്ടാ।
ഞാന്‍ ഫോണ്‍ കട്ട് ചെയ്തു।
അന്നു രാത്രി അവള്‍ വിളിച്ചു।
“നീ വിളിക്കുമ്പോള്‍ ഞാന്‍ എടുക്കാതെയിരുന്നത് എന്റെ കൂടെ എന്റെ കസിനൊക്കെയുണ്ടായിരുന്നതു കൊണ്ടാണ്.”
“അതിനെന്താ।?”
“നിനക്കറിയില്ല ഒരുപ്പാട് കോളുകള്‍ വരുന്നുണ്ട്।ഇപ്പോ ഞാന്‍ ജോലി അന്വേഷിച്ചു കൊണ്ടുള്ള
ഒരു പരസ്യം ഗള്‍ഫ് ന്യൂസില്‍ കൊടുത്തിരുന്നു।അതു കണ്ടിട്ട് ചുമ്മാ സംസാരിക്കാന്‍ ഒരുപ്പാട് പേര്‍
എന്നെ വിളിക്കുന്നുണ്ട്।“
അങ്ങനെ മറ്റുള്ളവര്‍ വിളിക്കുന്നതു പോലെ നീയെന്നെ കാണണ്ടാ।ഞാന്‍ നിന്നെ സേനഹിച്ചത് എനിക്ക് നിന്നെ ഒരുപ്പാട് ഇഷടമായതു കൊണ്ടാണ്।“
“അതിനു നീയെന്നെ കണ്ടിട്ടില്ലല്ലോ।?”
“നിന്റെ സിവിയില്‍ ഫോട്ടോ ഉണ്ടായിരുന്നല്ലോ.?”
“ങ്ങാ“
അവള്‍ മൂളി
“പിന്നെ നിന്റെ ശബ്ബദം കേട്ടിട്ട് നീയോരു നല്ല കുട്ടിയാണെന്ന് എനിക്ക് മനസിലായി।പിന്നെ നീയെന്തിനാ ആ യേശു ദേവനെക്കുറിച്ചുള്ള ആ റിംഗ് ടൂണ്‍ മാറ്റിയത്।നല്ല രസമുണ്ടായിരുന്നു ആ പാട്ട്
കേള്‍ക്കാന്‍“।
“ഇപ്പോ എനിക്കൊന്നിലും വിശ്വാസം ഇല്ലാതായിരിക്കുന്നേടാ?।ഈശോക്കൊന്നും എന്നെ വേണ്ടാ എന്നു തോന്നുന്നു।”
“അങ്ങനെയൊന്നും വിചാരിക്കരുത് ഈശോക്ക് ഒരിക്കലും നിന്നെ കൈവെടിയാന്‍ കഴിയില്ല।നീ നന്നായി പ്രാഥിക്ക് ഫലമുണ്ടാകും।“
“എടാ നിനക്കറിയാവുന്നിടത്ത് എന്തെലും ജോലിയുണ്ടെങ്കില്‍ എനിക്ക് ശരിയാക്കി താടാ।”
‘നിന്റെ സിവി ഒന്നു കൂടി എനീക്ക് ഫാക്സ് ചെയ്യ് ഞാന്‍ എനിക്കറിയാവുന്നിടത്തൊക്കെ നിനക്ക് വേണ്ടി
ട്രൈ ചെയ്യാം।:
“ശരിടാ“
“എടാ ആരോ വരുന്നുണ്ട് ഞാന്‍ കട്ട് ചെയ്യുവാ“
“നീ നാളെ വിളിക്കുമോ।?“
“വിളിക്കാടാ“
“വിളിക്കണം“
എങ്കില്‍ വച്ചോളു।
പെട്ടെന്ന് ഫോണ്‍ വച്ചു ഞാന്‍ തിരിഞ്ഞു നോക്കുമ്പോള്‍ ചിരിച്ചു കൊണ്ട് ഒരാള്‍
തുടരും
