2010, ഓഗസ്റ്റ് 1, ഞായറാഴ്‌ച

കേരളവർമ്മയിലെ ആ പെൺകുട്ടിയ്ക്ക്-5

ഓണത്തിന് മനോഹരമായ ഒരു ആശംസകാർഡിൽ ഞാനവൾക്ക് എഴുതി.
ഈ തണുത്ത മഴയുള്ള പ്രഭാതത്തിൽ ഞാൻ നിനക്കായി എഴുതുമ്പോൾ എന്റെ അനിയത്തിക്കുട്ടി
മുറ്റത്ത് അമ്മയ്ക്കൊപ്പം ഇരുന്ന് പൂക്കളം ഒരുക്കുകയാണ് .ഇന്ന് വിശാഖമാണ്.മുറ്റത്ത് ചാണകം മെഴുകിയത്തറയിൽ നനയാതെയിരിക്കാൻ കുട വച്ചിട്ടുണ്ട്.
പിന്നെ ഓണത്തിന് ഏക്സാമുണ്ടോ?
ഞങ്ങൾക്ക് ഓണം കഴിഞ്ഞെ പരിക്ഷ കാണൂ.
അമ്മയെന്തെടുക്കുന്നു. കൂട്ടുകാരൊക്കെ എന്തു പറയുന്നു.
ലിജ ധന്യ, പ്രിയ രാധിക ഷജിന.അവരൊക്കെ എന്തെടുക്കുന്നു.
ഓണത്തിന് എന്താ പരിപ്പാടി.
ഈ ഓണത്തിന് കുറെ നല്ല സിനിമകൾ റീലിസാകുന്നുണ്ട്. കാണാൻ പോണം.പിന്നെ അങ്ങോട് മഴയുണ്ടോ.ഇവിടെ നല്ല മഴയാ.
എന്റെ ഫ്രണ്ട്സോക്കെ കുട്ടിയെ തിരക്കിയതായി പറയാൻ പറഞ്ഞൂ.
പിന്നെ കേരളവർമ്മയിലെ ജീവിതം അടിപൊളിയല്ലെ പഠിക്കുകയാണെങ്കിൽ അതുപോലൊരു ക്യാപസിൽ പഠിക്കണം.
പിന്നെ വേറെ എന്തൊക്കെയുണ്ട് വിശേഷങ്ങൾ.കുറെ എന്തൊക്കെയോ എഴുതണം എന്ന് വിചാരിച്ചു പക്ഷെ എന്തോ ഒന്നും വരണില്ല മനസ്സിലോട്ട്. ലെറ്റർ കിട്ടിയാൽ ഉടനെ മറുപ്പടി എഴുതണം.
നിറുത്തുന്നു.
സസ്നേഹം
അനൂപ് കോതനല്ലൂർ
വലിയ ആഘോഷങ്ങളൊന്നുമില്ലാതെ ഓണം കടന്നുപ്പോയി.മറുപ്പടി അയ്ക്കുമെന്ന് കരുതി കാത്തിരുന്നിട്ടും ഫലമുണ്ടായില്ല. പിന്നെ ഞാനും എഴുതിയില്ല.അങ്ങനെ രണ്ടു മൂന്നുമാസങ്ങൾ കടന്നുപ്പോയി.
ഡിസംബർ മാസം.
പ്രതീക്ഷിക്കാതെ അവളൂടേ ഒരു ലെറ്റർ.
അനൂപിന് എന്നോട് പിണക്കമായിരിക്കും.അനൂന്റെ അത്മാർഥമായ സേനഹം ഞാൻ മനസ്സിലാക്കാതെ പോയത് എന്റെ തെറ്റാ. പഠനത്തിന്റെ തിരക്കാണെന്ന് പറഞ്ഞ് എനിക്ക് ഒഴിഞ്ഞൂ മാറാം.പക്ഷെ സത്യം അതൊന്നുമായിരുന്നില്ല. മടിയായിരുന്നു.പിന്നെ പലയിടത്തും നിന്നുമുള്ള സമ്മർദ്ധം.ഒരിക്കലും കാണാതെ ഒരു ഫ്രണ്ടിനെ ഞാൻ ആഗ്രഹിച്ചത് ജീവിതത്തിന്റെ ചില നിമിഷങ്ങളിൽ എനിക്ക് ആശ്വാസമാകുമെന്ന് കരുതിയാണ്.ഇവിടെ എല്ലാവരും സ്വാർത്ഥരാണ്.ജീവിതത്തിന്റെ ഈ പരക്കം പാച്ചിലിനിടയിൽ ഞാൻ ഒരു സുഹൃത്തിന്റെ സേനഹം ഞാൻ ആഗ്രഹിച്ചത് തെറ്റാണോ?.എന്റെ അമ്മയ്ക്ക് ഞാൻ ഒറ്റമോളായിരുന്നു.ചെറുപ്പത്തിലെ അചഛൻ മരിച്ചു.പിന്നെ അമ്മേടേ വീട്ടിലായിരുന്നു. ഇതെന്റെയെല്ലാം ഇടയിൽ എനിക്ക് നഷ്ടപെട്ട ബാല്യം. സഹോദരങ്ങൾ ഒക്കെ എനിക്ക് വേദനയായിരുന്നു.അതിന്റെ ഇടയിൽ അനൂപിനെപ്പൊലൊരു ഫ്രണ്ടിനെ ഒരേട്ടന്റെ സ്നേഹം ഞാൻ അഗ്രഹിച്ചത് തെറ്റാണോ?.അനൂപിനെ ഞാൻ വേദനിപ്പിച്ചതിന് പിന്നെ അനൂപ് എഴുതിയപ്പോഴൊക്കെ എഴുതാൻ വൈകിയതിന് ഒക്കെ മാപ്പ്.
സസ്നേഹം
അനിയത്തിക്കുട്ടി.
പിന്നെ ഞങ്ങളുടെ മലയാളം ബാച്ച് ഈ മാസം ഇരുപതാ തീയതി വയനാടിനു ടൂറിനു പോകുന്നു.അതിന്റെ വിശേഷം പോയി വന്ന ശേഷം അടുത്ത കത്തിൽ.

2 അഭിപ്രായങ്ങൾ:

OAB/ഒഎബി പറഞ്ഞു...

ആ പെണ്‍കുട്ടിക്ക്
ഈ പെണ്ണുങ്ങളുടെ
ഒക്കെ രൂപമാണൊ മനസ്സില്‍ ?
ഓകെ,,,, ന്നട്ട്

jyo പറഞ്ഞു...

അനൂപിനും ഒരു അനിയത്തിക്കുട്ടിയോടുള്ള ഇഷ്ടമായിരുന്നോ അവളോട്?
കേരളവര്‍മ്മാ കോളേജ് ആയതോണ്ട് ചോദിച്ചു പോയതാ.